पत्रलेखन मराठी | विनंती पत्र | Patralekhan Marathi | Vinanti Patra | नेटवर्क नसल्यामुळे तुम्ही शाळेच्या ऑनलाईन क्लासला हजर राहू न शकल्याचे मुख्याध्यापिकांना सूचित करणारे विनंती पत्र | Letter Writing In Marathi |

      

 नेटवर्क नसल्यामुळे तुम्ही शाळेच्या ऑनलाईन क्लासला हजर राहू न शकल्याचे  पत्र 

नेटवर्क नसल्यामुळे तुम्ही शाळेच्या ऑनलाईन क्लासला हजर राहू न शकल्याचे मुख्याध्यापिकांना सूचित करणारे विनंती पत्र लिहा. 

प्रति,

माननीय मुख्यद्यापिका लेले बाई,

सरस्वती विद्यालय,

लातूर- ×××××××××

विषय - नेटवर्क नसल्यामुळे ऑनलाईन क्लासला हजर न राहिल्याबद्दल.

आदरणीय बाई,

मी सुकुमार दाते, आपल्या शाळेत इयत्ता ७ वी अ मध्ये शिकत असून माझ्या वर्गशिक्षिकांच्या परवानगीने आपल्याला हे सूचित करू इच्छितो की, आपणास माहितीच आहे की, शाळेचे ऑनलाईन क्लास नुकतेच सुरु झाले आहेत व आम्ही सर्व मुले नवीन आभ्यासक्रम शिकण्यासाठी फारच उत्सुक आहोत. 

परंतु गेले दोन दिवस भरपूर प्रमाणात पाऊस पडल्यामुळे माझ्याकडे कॉम्पुटर नेटवर्कची थोडी अडचण येत होती व खूप प्रयत्न करुनही नेटवर्क येत नव्हते त्यामुळे गेल्या दोन दिवसात मला शाळेच्या ऑनलाईन क्लासला हजर राहणे शक्य होऊ शकले नाही.

नेटवर्कच्या या अडचणींबद्दल मी सर्व काही माहिती आमच्या वर्गशिक्षिकांना ही दिलेलीच आहे. त्याचबरोबरं गेल्या दोन दिवसात माझा ऑनलाईन क्लासचा मागे राहिलेला अभ्यास मी भरून काढण्याचा प्रयत्न ही करीत आहे.

तसेच आता माझ्याकडे नेटवर्कची काही अडचण नसल्यामुळे यापुढे मी माझे सर्व ऑनलाईन कलासेस नियमितपणे पूर्ण करीत जाईन अशी आपल्याला शाश्वती देतो.

तरी माझी आपल्याला विनंती आहे की आपण माझी ही नेटवर्कमुळे झालेली अडचण नक्की समजून घ्यावी.

आपला विद्यार्थी,

सुकुमार दाते, इयत्ता ७ वी अ,

सरस्वती विद्यालय.

ई-मेल -×××××××××××

( टीप - वरील पत्र हे ई -पत्रलेखनाचा नमुना आहे त्यामुळे शेवटी विद्यार्थ्यांनी एक नमुना ई-मेल टाकावे.)